கோவையில் நடைபெற்று வந்த தேசிய அளவிலான குதிரையேற்ற சாம்பியன்ஷிப் நிறைவு, ஈக்வெஸ்ட்ரியன் சாம்பியன்ஸ் லீக்கில் சென்னை புல்ஸ் அணி சாம்பியன் பட்டத்தை வென்றது!!

-

கோவை மாவட்டம், வெள்ளானைப்பட்டி அருகே உள்ள மோலப்பாளையத்தில் கடந்த ஆகஸ்ட் 28ஆம் தேதி தொடங்கிய தேசிய அளவிலான ஈக்வெஸ்ட்ரியன் சாம்பியன்ஸ் லீக் குதிரையேற்ற போட்டிகளின் இறுதி சுற்று நேற்று நடைபெற்றது. 

ஈக்வைன் ஸ்போர்ட்ஸ் இந்தியா ஃபெடரேஷன் சார்பில் நடத்தப்பட்ட இந்த தேசிய அளவிலான குதிரையேற்ற போட்டி, மோலப்பாளையத்தில் “பவர் ஹவுஸ்”  மைதானத்தில் சிறப்பாக அமைக்கப்பட்ட போட்டி அரங்கில் நடைபெற்றது.

தமிழ்நாடு, கேரளா, கர்நாடகா, தெலங்கானா மற்றும் மேற்கு வங்கம் ஆகிய ஐந்து மாநிலங்களைச் சேர்ந்த அணிகள் இப்போட்டியில் பங்கேற்றன. சென்னை புல்ஸ் தமிழ்நாடு, பெகாசஸ் ஸ்போர்ட்ஸ் கேரளா, பெங்களூரு நைட்ஸ் கர்நாடகா, கோல்கொண்டா சார்ஜர்ஸ் தெலங்கானா மற்றும் எலைட் ஈக்வெஸ்ட்ரியன்ஸ் மேற்கு வங்கம் ஆகிய அணிகள் பங்கேற்றன.

100 செ.மீ., 110 செ.மீ. மற்றும் 120 செ.மீ. என மூன்று பிரிவுகளில் ஷோ ஜம்பிங் போட்டிகள் நடைபெற்றன..

தமிழ்நாடு அரசின் வருவாய் மற்றும் பேரிடர் மேலாண்மைத் துறை அமைச்சர் கே.ஏ. செங்கோட்டையன், சத்தியபாமா சட்டமன்ற உறுப்பினர், பிரபல திரைப்பட நடிகர்கள் ஆர்யா மற்றும் ஷாம் உள்ளிட்டோர் சிறப்பு விருந்தினர்களாக கலந்து கொண்டனர்.

போட்டியின் நிறைவு மற்றும் பரிசளிப்பு விழாவில்,  எஸ்.என்.ஆர் சன்ஸ் சாரிட்டபிள் டிரஸ்ட் நிர்வாக அறங்காவலர் டாக்டர் சுந்தர் ராமகிருஷ்ணன்,  

பி & எஸ் குரூப் ஆஃப் கம்பெனி  நிறுவனத்தின் நிறுவனர் பிரியங்கா சுந்தர், ஈக்வெஸ்ட்ரியன் சாம்பியன்ஸ் லீக் தலைவர். ஏ.எஸ். சக்தி பாலாஜி மற்றும்  ஐஆர் ஏ  பேஷன் ஸ்டுடியோ நிறுவனர் பாரதி பாலாஜி உள்ளிட்டோரும் நடிகர்கள் ஆர்யா மற்றும் ஷ்யாம் ஆகியோர் கலந்து கொண்டனர்.

ஐந்து அணிகளைச் சேர்ந்த குதிரையேற்ற வீரர்கள், தங்களது திறமையையும் குதிரைகளுடனான ஒருங்கிணைப்பையும் வெளிப்படுத்தி, பல்வேறு சவாலான தடைகளைத் தாண்டி சிறப்பாக போட்டியிட்டனர்.

இறுதிப் போட்டிகளின் முடிவில், கோல்கொண்டா சார்ஜர்ஸ் அணி 286 புள்ளிகளுடன் மூன்றாவது இடத்தைப் பிடித்து ரூ.5 லட்சம் ரொக்கப் பரிசை வென்றது. பெங்களூரு நைட்ஸ் அணி 291 புள்ளிகளுடன் இரண்டாவது இடத்தைப் பிடித்து ரூ.10 லட்சம் ரொக்கப் பரிசை வென்றது.

311 புள்ளிகளுடன் சென்னை புல்ஸ் அணி முதலிடத்தைப் பிடித்து, ஈக்வெஸ்ட்ரியன் சாம்பியன்ஸ் லீக் சாம்பியன் பட்டத்தை வென்றதுடன், ரூ.15 லட்சம் ரொக்கப் பரிசையும் தட்டிச் சென்றது.

பரிசளிப்பு விழாவில் சிறப்பு விருந்தினராக கலந்து கொண்ட நீலகிரி மக்களவைத் தொகுதி நாடாளுமன்ற உறுப்பினர் ஆ. ராஜா, வெற்றி பெற்ற அணிகள் மற்றும் வீரர்களை பாராட்டி, பரிசுகளை வழங்கி கௌரவித்தார்.

கோவை செய்தியாளர் பட்டுராஜ்.

கருத்துகள்

கருத்துரையிடுக

இந்த வலைப்பதிவில் உள்ள பிரபலமான இடுகைகள்

குடியாத்தத்தில் நீதிமன்ற உத்தரவின் படிவனத்துறைக்கு சொந்தமான இடத்தில் கட்டப்பட்டதாக ராணுவ வீரரின் வீடு இடிக்கப்பட்ட சம்பவம்!கோட்டாட்சியரிடம் மனு அளித்த முன்னாள் ராணுவ வீரர்கள்!!

-
படம்
வேலூர் மாவட்டம், குடியாத்தம் அடுத்த கல்லபாடி. கணவாய் மோட்டூர். பகுதியில் வசிக்கும் மாற்றுத்திறனாளி நடராஜன் என்பவரின் வீடு இடிக்கப்பட்டது இதை குறித்து இன்று காலை.ஜெய் ஜவான் ஜெய் கிஷான். தலைவர் கர்ணல். தலைமையில்  விநாயகமூர்த்தி நாகராஜ் முன்னிலையில் முன்னாள் ராணுவ படை வீரர்கள் மூன்று கோரிக்கைகளை வலியுறுத்தி கோட்டாட்சியரிடம் மனு அளித்த முன்னாள் ராணுவ வீரர்கள். 100 க்கும் மேற்பட்ட முன்னாள் ராணுவ வீரர்கள் குவிந்ததால் பரபரப்பு! வேலூர் மாவட்டம், குடியாத்தம் அடுத்த கல்லப்பாடி கனவாய்மோட்டுர் பகுதியை சேர்ந்த விவசாயி நடராஜன்  இவரது மகன் யுவகுமார் இவர் ராணுவத்தில் பணிபுரிந்து வருகிறார். இதனிடையே விவசாயி நடராஜுக்கு சொந்தமான வீடு வனத்துறைக்கு சொந்தமான இடத்தில் இருப்பதாக புகார் வந்தது  இது தொடர்பாக வழக்கு நீதிமன்றத்தில் இருந்த நிலையில் நீதிமன்ற உத்தரவுன்படி கடந்த சில நாட்களுக்கு முன்பு குடியாத்தம் கோட்டாட்சியர் சுபலட்சுமி தலைமையில் வருவாய்த் துறையினர் மற்றும் வனத்துறையினர் பலத்த போலீஸ் பாதுகாப்புடன் வீட்டை இடித்தனர்.  இந்த சம்பவம் பெரும் பரபரப்பை ஏற்படுத்திய நிலையில்  ராணுவ வீர...
மேலும் படிக்கவும்

கோவை பீளமேடு பகுதியில் உள்ள பிஎஸ்ஜி மெட்ரிக்குலேசன் பள்ளியில் நடைபெற்ற, மாதிரி மாணவர்களுக்கான தேர்தல்! -வாக்களிப்பதன் அவசியத்தை உணர்ந்து மாணவ, மாணவியர்கள் தங்களது வாக்குகளை செலுத்தினர்!!

-
படம்
கோவை மாவட்டம்,கோவை பீளமேடு பகுதியில், பிஎஸ்ஜி மெட்ரிக்குலேசன் பள்ளி செயல்பட்டு வருகின்றது. கடந்த 2009ம் ஆண்டு துவங்க பட்ட இந்த பள்ளியானது, எல்கேஜி முதல் 8ம் வகுப்பு வரை செயல் பட்டு வருகின்றது, இங்கு சுமார், 400 க்கும் மேற்பட்ட மாணவ மாணவிகள் பயின்று வருகின்றனர். இப்பள்ளியில் மாணவர்களின் கற்றல் திறன் மட்டுமின்றி, மாணவர்களுக்கு உலக அரசியலும் தெரிந்து கொள்ளும் வகையில் மாணவர்களுக்காக தேர்தல் நடைபெற்றது.  இந்த தேர்தலில், 4ம் வகுப்பு மாணவ மாணவியர்கள் முதல், 8ம் வகுப்பு மாணவ மாணவியர்கள் வரை வாக்குகள் செலுத்தினர். தொடர்ந்து இந்த தேர்தல் குறித்து பள்ளியின் செயலர்  நந்த கோபாலன், மற்றும் பள்ளியின் முதல்வர் காயத்ரி, ஆகியோர் கூறியதாவது.. பிஎஸ்ஜி மெட்ரிக்குலேசன் பள்ளி கடந்த 2009ம் ஆண்டு முதல் செயல்பட்டு வருகின்றது. இப்பள்ளியில் மாணவர்களுக்கு கற்றல் திறன் மட்டுமன்றி, உலக அரசியலையும் தெரிந்து கொள்ளும் வகையில், மாணவர்களுக்கான தேர்தல் நடைபெற்றது.  இதில், மாணவர் தலைமைப் பொறுப்பாளர்களுக்கான  தேர்தலாக  நடைபெற்றது. மாணவர்களிடையே ஜனநாயக விழிப்புணர்வையும், தலைமைத்துவப் பண்புகளையும் வளர்...
மேலும் படிக்கவும்

குடியாத்தம் அருகே காட்டுப் பன்றியை வேட்டையாட வைத்து நாட்டு வெடிகுண்டை கடித்த மாடு வாய் கிழிந்தது!!

-
படம்
வேலூர் மாவட்டம், குடியாத்தம் வட்டம், பாக்கம் மதுரா கிராமத்தில்  வசிக்கும் மாணிக்கம் மகன் வெங்கடேசன் என்பவருக்கு சொந்தமான பசுமாடு ஒன்று இன்று9/8/2026 மதியம் சுமார் 1:30 மணி அளவில் பாக்கம் ஏரி அதன் அருகில் திர்வு ஏற்படாத தரிசு மழை புறம்போக்கில் பசுமாடு மேய்ந்து கொண்டிருக்கும் போது காற்றுப்பன்றி வேட்டையாட வைக்கப்பட்டிருந்த வெடி மருந்து மாடு மேய்த்து மாட்டின் வாய் சிதலம் அடைந்துள்ளது.  இந்த தகவல் குறித்து உடனடியாக பரதராமி காவல் நிலையத்திற்கு  தெரிவிக்கப்பட்டு விசாரணை மேற்கொண்டு வருகின்றனர் கால்நடை துறை அலுவலர்களுக்கும் தகவல் தெரிவிக்கப்பட்டுள்ளது. இது சம்பந்தமாக கால்நடைத்துறை ஆம்புலன்ஸ் 1962 தகவல் தெரிவிக்கப்பட்டுள்ளது. குடியாத்தம் தாலுகா செய்தியாளர் கே வி ராஜேந்திரன்.
மேலும் படிக்கவும்