உலக சிரிப்பு தினம் இன்று!!

 

ஒவ்வொரு ஆண்டும் மே மாதத்தின் முதல் ஞாயிற்றுக்கிழமை உலக சிரிப்பு தினமாகக் கொண்டாடப்படுகிறது. அந்த வகையில் இந்த ஆண்டு மே 3-ஆம் தேதியான இன்று இத்தினம் அனுசரிக்கப்படுகிறது.

சிரிப்பு என்பது வெறும் மகிழ்ச்சியின் வெளிப்பாடு மட்டுமல்ல, அது மன அழுத்தம் மற்றும் உடல் நலக் குறைபாடுகளைப் போக்கும் ஒரு சிறந்த இயற்கை மருந்து என்பதை உலகிற்கு உணர்த்துவதே இத்தினத்தின் நோக்கமாகும். 

1998-ஆம் ஆண்டு டாக்டர் மதன் கட்டாரியா என்பவரால் மும்பையில் தொடங்கப்பட்ட இந்த இயக்கம், இன்று உலகம் முழுவதும் பரவியுள்ளது. 2026-ஆம் ஆண்டிற்கான உலக சிரிப்பு தினத்தின் மையக்கருத்து (Theme), "சிரிப்பின் மூலம் உலக அமைதி" (World Peace through Laughter) என்பதாகும். 

சிரிப்பு என்பது ஒரு உலகளாவிய மொழி; அது நாடுகளையும் கலாச்சாரங்களையும் கடந்து மனிதர்களை ஒன்றிணைத்து, நேர்மறையான ஆற்றலைத் தரும் வல்லமை கொண்டது என்பதை இத்தினம் வலியுறுத்துகிறது.

தென் மண்டல செய்தியாளர் சின்னத்தம்பி.