சித்திர பௌர்ணமிக்கு மட்டும் வழிபடும் கண்ணகி கோவில்!!

சித்திர பௌர்ணமிக்கு மட்டும் வழிபடும் கண்ணகி கோவில்!

மங்கள தேவி கண்ணகி கோவில், தமிழ்நாடு - கேரளா எல்லையில், தேனி மாவட்டம் கூடலூர் அருகே, மேற்கு தொடர்ச்சி மலையில் வண்ணாத்திப்பாறை என்ற இடத்தில் அமைந்துள்ளது. 2000 ஆண்டுகள் பழமையான இக்கோவில், சேரன் செங்குட்டுவனால் கண்ணகிக்கு 'கண்ணகி கோட்டம்' என எழுப்பப்பட்டது. அடர்ந்த பெரியார் புலிகள் சரணாலயத்தில் கடல் மட்டத்திலிருந்து 1,337 மீட்டர் உயரத்தில் அமைந்துள்ள இந்த கோவில், சித்ரா பௌர்ணமி அன்று மட்டுமே திறக்கப்படுகிறது.

கோவில் வரலாறு மற்றும் சிறப்புகள்: அமைவிடம்: 

இது கேரளாவின் இடுக்கி மாவட்டத்தில் குமுளியிலிருந்து 14 கி.மீ மற்றும் தமிழ்நாட்டின் பளியங்குடியிலிருந்து 6 கி.மீ தொலைவில், கேரள வனப்பகுதிக்குள் உள்ளது.

வரலாறு: 

சிலப்பதிகார நாயகி கண்ணகி, மதுரையை எரித்த பிறகு, இந்த இடத்திற்கு வந்து மங்கள தேவியாக உருமாறி தேவலோகம் சென்றதாக நம்பப்படுகிறது. சேரன் செங்குட்டுவன் இமயமலையில் இருந்து கல் கொண்டு வந்து, பாண்டிய கட்டிடக்கலையில் கருங்கற்களால் இக்கோவிலைக் கட்டினான்.

வழிபாடு: 

கண்ணகியை ஒரு தெய்வமாக (பகவதி அம்மன்) வணங்கும் இப்பகுதி மக்கள், சித்ரா பௌர்ணமியன்று மட்டும் சிறப்பு விழா எடுப்பார்கள்.

கோவில் கேரள வனத்துறை கட்டுப்பாட்டில் இருந்தாலும், தமிழக மக்கள் அதிகளவில் வந்து வழிபடுகின்றனர்.

சித்திரா பவுர்ணமியன்று கண்ணகி தெய்வமாகிவிட்டாள்

ஆண்டிப்பட்டி செய்தியாளர் தனலட்சுமி.