ஸ்ரீ பாண்டி முனீஸ்வரர் திருக்கோவில் – பக்தர்கள் நலன் கருதி அவசர நடவடிக்கை தேவை!!

மதுரை மேலமடை பகுதியில் அமைந்துள்ள ஸ்ரீ பாண்டி முனீஸ்வரர் திருக்கோவிலின் அருகில் உள்ள மண்டபத்தில் கழிவுநீர் பைப் உடைந்து, அதன் நீர் பக்தர்கள் நடமாடும் பாதையில் வெளியேறி ஓடிவருகிறது என்பது மிகுந்த கவலைக்குரிய விஷயமாகும். இவ்வாறு கழிவுநீர் திறந்தவெளியில் செல்லுவதால், விரதம் இருந்து தரிசனத்திற்கு வரும் பக்தர்கள் பெரும் சிரமத்தையும் மனவேதனையையும் அனுபவிக்க வேண்டிய நிலை உருவாகியுள்ளது. புனித மனதுடன் விரதம் இருந்து வரும் பக்தர்களுக்கு இது மிகுந்த இன்னலாக அமைகிறது.

மேலும், பாதையில் நீர் தேங்கி இருப்பதால் வயதானவர்கள், பெண்கள் மற்றும் குழந்தைகள் வழுக்கி விழும் அபாயமும் உள்ளது. குறிப்பாக மூத்த குடிமக்கள் கீழே விழுந்தால் கடுமையான காயங்கள் ஏற்படும் ஆபத்து மிக அதிகமாகும். எனவே, பக்தர்களின் ஆரோக்கியம் மற்றும் பாதுகாப்பை கருத்தில் கொண்டு, மண்டப உரிமையாளர் உடனடியாக நடவடிக்கை எடுத்து உடைந்துள்ள கழிவுநீர் பைப்பை சீரமைத்து, சுத்தமான மற்றும் பாதுகாப்பான சூழலை ஏற்படுத்த வேண்டும் என்று  பணிவுடன் வலியுறுத்திக் கோரப்படுகிறது. பக்தர்கள் நலன் கருதி விரைந்து நடவடிக்கை எடுக்கப்படும் என எதிர்பார்க்கப்படுகிறது.

தேனி மாவட்ட சிறப்பு செய்தியாளர் தனலட்சுமி