மதுரையில் மக்கள் மனதை கவர்ந்த “போலீஸ் ஃபேமிலி” – மதுரையில் விமரிசையாக நடந்த வெற்றி விழா!!

மதுரை மாவட்டம், மக்கள் மத்தியில் பெரும் வரவேற்பையும் பாராட்டுகளையும் பெற்று வெற்றிக் கீதம் பாடி வரும் “போலீஸ் ஃபேமிலி” திரைப்படத்தின் வெற்றி விழா, மதுரையில் ஹோட்டல் டெம்பிள் சிட்டி “ட்ரீம்ஸ் இன்” மண்டபத்தில் மிக விமரிசையாக நடைபெற்றது.

      இந்த நிகழ்ச்சிக்கு திரைப்படத்தின் தயாரிப்பாளரும் கதாநாயகனுமான உயர்திரு ராஜா மலைசாமி அவர்கள் தலைமையேற்று வழிநடத்தினார்.

      டெம்பிள் சிட்டி ஹோட்டல் உரிமையாளர் உயர்திரு குமார் அவர்கள் முன்னிலையில் நடைபெற்ற இந்த விழாவில், இயக்குனர் உயர்திரு பாலு மற்றும் திரைப்படத்தில் நடித்த அனைத்து கலைஞர்களும் கலந்து கொண்டு நிகழ்ச்சியை சிறப்பித்தனர்.

  “போலீஸ் ஃபேமிலி” திரைப்படம் வெளியான நாளிலிருந்தே, அதன் தனித்துவமான கதை, வலுவான திரைக்கதை அமைப்பு, சிறந்த இயக்கம், மனதை கொள்ளை கொள்ளும் இசை, துல்லியமான எடிட்டிங் ஆகிய அனைத்தும் ஒன்றிணைந்து, ரசிகர்களின் மனதில் ஆழமான தாக்கத்தை ஏற்படுத்தியுள்ளது. குடும்ப உறவுகளையும், போலீஸ் துறையின் பொறுப்பையும் உணர்ச்சிகரமாக இணைத்து வெளிப்படுத்திய இந்த படம், அனைத்து தரப்பினராலும் பாராட்டப்பட்டு வருகிறது.

மக்கள் மத்தியில் “போலீஸ் ஃபேமிலி” திரைப்படம் குறித்து பெருமையாக பேசப்பட்டு வருவது குறிப்பிடத்தக்கது. சமூக வலைதளங்கள் முதல் பொதுமக்கள் கூடங்கள் வரை, இப்படத்தின் காட்சிகள், வசனங்கள், மற்றும் நடிப்பு திறமைகள் குறித்து நேர்மறையான விமர்சனங்களும் பாராட்டுகளும் தொடர்ந்து எழுந்து வருகின்றன.

இந்த வெற்றி விழா நிகழ்ச்சியில் பேசுகையில், படக்குழுவினர் தங்களுக்கு கிடைத்துள்ள மக்களின் ஆதரவுக்கு நன்றியை தெரிவித்ததுடன், இத்தகைய வெற்றி மேலும் நல்ல தரமான படங்களை உருவாக்க ஊக்கமாக இருக்கும் என தெரிவித்தனர்.

மொத்தத்தில், “போலீஸ் ஃபேமிலி” திரைப்படம் மக்கள் மனதில் இடம்பிடித்து, சமீப காலத்தில் பேசப்படும் முக்கியமான வெற்றி படங்களில் ஒன்றாக திகழ்கிறது என்பது குறிப்பிடத்தக்கது.

தென் மண்டல செய்தியாளர் சின்னத்தம்பி.