அக்கினியாறு விழுங்கிய ஆதித்த கரிகாலன் கல்வெட்டுகள் கண்டுபிடிப்பு!!

-

புதுக்கோட்டை மாவட்டம்,அறந்தாங்கி அரசுக் கலை அறிவியல் கல்லூரித் தமிழ்த் துறைத் தலைவர் தொல்லியல் வரலாற்றுக் கல்வெட்டு ஆய்வாளர் பேராசிரியர் முனைவர். கா. காளிதாஸ் மற்றும் சாலை கலையரசன் ஆகியோர் கொண்ட வரலாற்று ஆய்வுக் குழுவினர் புதுக்கோட்டை மாவட்டம் குளத்தூர் பகுதியில் வரலாற்று ஆய்வு மேற்கொண்டபோது, இவ்வூரில் வாழும் முருகன் என்ற முதியவர் கொடுத்த தகவலின்படி அக்கினி ஆற்றில் உள்ள கலிங்கில் ஆதித்த சோழன் மற்றும் ராஜராஜ சோழன் கல்வெட்டுகள் கொண்ட உடைந்த கற்களைக் கொண்டு இக்கலிங்கு  கட்டி உள்ளதைக் கண்டறிந்தனர். இது பற்றி ஆய்வாளர் காளிதாஸ் கூறியதாவது, குளத்தூரை ஆட்சி செய்த நமணத் தொண்டமான் (  ) குடிமக்கள் நலன் கருதி நீர்நிலை மேலாண்மைக்காக இக் கலிங்கைக் கட்டியுள்ளார். புதுக்கோட்டை வரலாற்று நூலில், "குளத்தூர் நமணத் தொண்டமான் பெருங்கொடையாளர். குளத்தூரில் சிவன் திருமால் கோயில்களை கட்டினார். பேராம்பூர் கணேசர் கோயிலுக்குக் கொடை கொடுத்த செய்தியை (1713) அங்குள்ள கல்வெட்டால் அறியலாம். குளத்தூர் பெரிய குளத்திற்கு அக்கினியாற்றில் கலிங்கு கட்டியுள்ளார். அந்தணர் பலருக்கு சர்வ மானிய நிலக்கொடை அளித்த செய்திகளை" செப்பேடுகள் மூலமாக அறிய முடிகிறது. மேலும், குளத்தூர் ஏரியில் உள்ள இவரது கல்வெட்டில் " ஸ்ரீ மது ரெங்க கிருஷ்ண முத்து வீர நமணத் தொண்டமானார்" என்று உள்ளது குறிப்பிடத்தக்கதாகும். 

அக்கினியாறு விழுங்கிய ஆதித்த கரிகாலன் கல்வெட்டுகள்:

அக்கினியாற்றின் கலிங்குக் கட்டில்உள்ள கற்களிலுள்ள கல்வெட்டுகளில், சோழவள நாட்டு ஆதித்த சோழன் என வருவதாலும், ராசராச பெருந்தெரு என வருவதாலும் இக்கல்வெட்டுகள் *கரிகால் சோழனுடையது* எனலாம். சுந்தர சோழனின் மூத்த மகன் ஆதித்தகரிகாலன்(கி.பி 956-969), ராஜராஜ சோழனின் சகோதரன். பாண்டிய மன்னர்களில் வீரபாண்டியன் என்பவனைச் சேவூர் (செவ்வூர்)ப் போரில் தோற்கடித்து கொன்று தலை கொய்து கோப்பரகேசரி வர்மன் என்ற சிறப்பு பெயருடன் திகழ்ந்தவன். கல்வெட்டில் ஆலத்தூர் என்று வருவதால், திருவாலத்தூர் (மலையடிப்பட்டி)இவ்வூரில்  அழிந்துபட்ட சிவன் கோயிலில் உள்ள கல்வெட்டுகளாக இவை இருக்கலாம்.

கல்வெட்டுகளில் காணப்பெறும் அரசப் பிரதிநிதிகள்/ குறுநில மன்னர்கள்.

 கல்வெட்டுகளில் காணப்படும் அரசப் பிரதிநிதிகள் மற்றும் குறுநிலத் தலைவர்களின் பெயர்கள்.

1. தேவாதிப் பரையன்

2. வடக்கூறு வயல் நாட்டு மத்தயச்சன்

3. ஆவுடையான் பயிற்றாதன் கூத்தன்

4. ஆழ்வான்

5. பதிவிரதான்

6. வியாபாரி பணிப்பன்

7. மிலட்டூருடையான் கூத்தன் சிவன்

8. குலோத்துங்க சோழபுரத்து மிலட்டூருடையான் பட்டமுடையான் சொக்கன் 

9. ராசராசப் பெருந்தெருவில் திருவாழ்வான் உலகுடையான்

10. அழகன் பெருமாள் 

11. கிளியூர் நாட்டு ஆளுவித்த நாயகர் 

12. அழகு பத்தர்

13. குளத்தூர் உடையான் ஆதித்த தேவன் நம்பி 

14. பூந்தாழ நாட்டு வேளாண்

15. பெருந்தெருவில் வரு குடையான் கூத்தனான் தேவன் சூரிய தேவன் 

16. வேல் உடையான் 

17. வெள்ளுடையான் திருச்சிற்றம்பலவன் 

போன்ற பெயர்களைக் காண்கிறோம். மேலும் இவ்வூர் ராசராச பெருந்தெருவில் வணிகம் நடைபெற்றதையும் பாக்குப் பொதி, மஞ்சள், வெற்றிலை, கரும்பு, குங்கிலியம்(சாம்பிராணி), உப்பு போன்றவற்றிற்கு விதிக்கப்பட்ட வரித் தீர்வையும், வரித் தீர்வைகள் அரைக்காசு, ஒரு காசு,  காசு ஐந்து , செப்புப் பொன்  போன்ற முறையில் விதிக்கப்பட்டதையுயும் இக்கல்வெட்டுகள் மூலம் அறிய முடிகிறது. 

நாட்டின் நலனுக்காகக் கரிகாலன் கல்லணை கட்டினான் . நமணத் தொண்டமான் கரிகாலனின் மெய்கீர்த்திக்  கல்வெட்டுகளை அக்கினி ஆற்றில் கலிங்கு கட்டினான். இருவரும் நாட்டு மக்கள் நலன் கருதி நீர்ப்பாசன வளம் செழிக்க அறப்பணி மேற்கொண்டனர். என்றார் ஆய்வாளர். காளிதாஸ்.

புதுக்கோட்டை மாவட்ட செய்தியாளர் அசோக்.

கருத்துகள்

கருத்துரையிடுக

இந்த வலைப்பதிவில் உள்ள பிரபலமான இடுகைகள்

குடியாத்தம் அருகே திருவிழாவின் போது இரு தரப்பினரிடையே மோதல்- காயமடைந்தவர்களின் உறவினர்கள் சாலை மறியல்!!

-
படம்
வேலூர் மாவட்டம், குடியாத்தம் அடுத்த எர்த்தாங்கள் பகுதியில் நேற்று கெங்கை அம்மன் சிரசு திருவிழா நடைபெற்றது இதில் ஆயிரக்கணக்கான பக்தர்கள் கலந்து கொண்டனர். அப்போது அம்மனுக்கு மாலை அணிவிப்பதில் இரு கோஷ்டிகளிலேயே  இடையே  தகராறு ஏற்பட்டுள்ளது இதனையடுத்து இன்று காலை ஒரு தரப்பினர் மற்றொரு தரப்பினரை தாக்கியதாக கூறப்படும் நிலையில் இதில் சிலர் காயமடைந்து குடியாத்தம் அரசு மருத்துவமனையில் அனுமதிக்கப்பட்டுள்ள நிலையில் காயம் அடைந்தவர்களின் உறவினர்கள்  தாக்கியவர்கள் மீது உரிய நடவடிக்கை எடுக்க வேண்டும் உடனடியாக கைது செய்ய வேண்டும்  எனக் கூறி குடியாத்தம்- பேரணாம்பட்டு சாலையில் சாலை மறியல் சாலை மறியலில் ஈடுபட்டனர். இதனால் அப்பகுதியில் போக்குவரத்து பாதிப்பு ஏற்பட்டது உடனடியாக சம்பவ இடத்திற்கு சென்ற குடியாத்தம்  தாலுகா போலீசார் சாலை மறியலில் ஈடுபட்டவர்களிடம் பேச்சுவார்த்தை நடத்தி உரிய நடவடிக்கை எடுப்பதாக உறுதி அளித்ததன் பேரில் சாலை மறியல் கைவிடப்பட்டது இதனால் அந்த பகுதியில் சிறிது நேரம் பரபரப்பான சூழல் காணப்பட்டது. குடியாத்தம் தாலுகா செய்தியாளர் கே வி ராஜேந்திரன்.
மேலும் படிக்கவும்

அரக்கோணம் மக்களுக்கான சு.ரவி MLA கோரிக்கை மனு ரயில்வே அமைச்சரிடம் வழங்கிய தனபால் MP!!

-
படம்
ராணிப்பேட்டை மாவட்டம்,அரக்கோணம் சட்டமன்ற உறுப்பினர் .சு.ரவி MLA தொகுதி  மக்களுக்கான கோரிக்கை மனுவை அ.தி.மு.க மாநிலங்களவை உறுப்பினர். ம.தனபால் மத்திய ரயில்வே அமைச்சர். ஸ்ரீ. அஷ்வினி வைஷ்ணவ்வை  நேரில் சந்தித்து, கொடுத்தார்.அதில் கேட்டு கொண்டது.. அரக்கோணம் சந்திப்பு இரயில் நிலையத்தில் நிற்காமல் செல்லும் முக்கிய இரயில் வண்டிகளை நிற்க்க வைக்க வேண்டும் மின்சார ரயில் சோளிங்கர் வரை நீட்டிக்க  வேண்டும், அரக்கோணம் இரயில்வே  மருத்துவமனையில் டயாலிஸ் பிரிவு அமைத்திட வேண்டியும் இச்சிபுத்தூர் இரயில் நிலையத்தை மேம்படுத்த வேண்டுமெனவும், கூடுதலாக நடைமேடை அமைக்க வேண்டும்  அரக்கோணம் பழனிப்பேட்டையில் உள்ள  இரட்டை கண் சுரங்க பாதையை  அகல படுத்த வேண்டும் அல்லது உயர்ந்தபட வேண்டும்., அப்படி  இல்லையென்றால்  இரயில்வே மேம்பாலம் அமைத்து தர வேண்டும் எனவும் மோசூர் அருகே இரயில்வே சுரங்கப் பாதை அமைத்திட வேண்டியும் கொரோனா கால கட்டத்தில் நிறுத்தி வைக்கப்பட்ட இரயில் வண்டிகளை இயக்க கோரியும் மத்திய இரயில்வே அமைச்சரிடம் கொடுத்த மனுவில் இவ்வாறு  கூறப்பட்டிருந்தது. அரக்கோணம் செய...
மேலும் படிக்கவும்

மதுரை : வலையங்குளம் நான்கு வழிச்சாலை சந்திப்பில் அடிக்கடி ஏற்படும் விபத்துக்கள்!!

-
படம்
மதுரை : வலையங்குளம் நான்கு வழிச்சாலை சந்திப்பில் எவ்வித சிக்னலும் இல்லாததால் அடிக்கடி விபத்துக்கள் ஏற்பட்டு வருகிறது.  இன்று இருசக்கர வாகனத்தில் சென்ற வாலிபர் மீது அசுர வேகத்தில் வந்த தனியார் பேருந்து மோதியதில் சம்பவ இடத்திலேயே வாலிபர் உயிர் இழந்தார்.  டிவலையாங்குளம் பகுதியில் உள்ள சமூக ஆர்வலர் வடிவேலு அடிக்கடி விபத்துக்கள் ஏற்படுவதை தடுக்க அப்பகுதியில் சிக்னல் அமைக்க வேண்டும் என்று கோரிக்கை விடுத்துள்ளார். தென் மண்டல செய்தியாளர் சின்னத்தம்பி.
மேலும் படிக்கவும்