மார்க்சிஸ்ட் கம்யூனிஸ்ட் கட்சி சார்பில் நடைபெற இருந்த போராட்டம் ரத்து!!

-

திண்டுக்கல் மாவட்டம்,சாணார்பட்டி அருகேயுள்ள கோபால்பட்டியில் நெடுஞ்சாலையில் தடுப்புச் சுவர்களால் தொடரும் விபத்துகளை தவிர்க்க பாதுகாப்பு நடவடிக்கைகள் எடுக்க வலியுறுத்தி மார்க்சிஸ்ட் கம்யூனிஸ்ட் கட்சி வியாழக்கிழமை  நடைபெற இருந்த போராட்டம் பேச்சு வார்த்தை பின் கைவிடப்பட்டது.

திண்டுக்கல் - நத்தம் தேசிய நெடுஞ்சாலையில் கோபால்பட்டி, பங்களா எர்ரமநாயக்கன்பட்டி, குட்டூர் உள்ளிட்ட இடங்களில் சாலையின் நடுவே அமைக்கப்பட்டுள்ள (சென்டர் மீடியன்) சாலை மைய  தடுப்புச் சுவர்கள் காரணமாக கடந்த இரு ஆண்டுகளில் 50-க்கும் மேற்பட்ட வாகனங்கள் மோதி விபத்துக்குள்ளாகியுள்ளன. இதில் பலர் படுகாயமடைந்துள்ளனர். இந்தத் தடுப்புச் சுவர்களை அகற்ற வேண்டுமெனிலோ அல்லது போதிய பாதுகாப்பு ஏற்பாடுகள் செய்ய வேண்டுமென பொதுமக்களும் அரசியல் கட்சியினரும் பலமுறை கோரிக்கை விடுத்தும் நெடுஞ்சாலைத் துறையினர் செவிசாய்க்கவில்லை.

இந்நிலையில், சாணார்பட்டி ஒன்றிய மார்க்சிஸ்ட் கம்யூனிஸ்ட் கட்சி சார்பில் வியாழக்கிழமை  (நவ.13) கோபால்பட்டியில் உள்ள தடுப்புச் சுவர் முன்பு ஆர்ப்பாட்டம் நடத்தப்படும் என அறிவிக்கப்பட்டிருந்தது.

ஆர்ப்பாட்டத்தைத் தவிர்க்கும் விதமாக வியாழக்கிழமை காலை சாணார்பட்டி காவல் நிலையத்தில் நெடுஞ்சாலைத் துறை அதிகாரிகளுக்கும் மார்க்சிஸ்ட் கம்யூனிஸ்ட் கட்சி நிர்வாகிகளுக்கும் இடையே அமைதிப் பேச்சுவார்த்தை நடைபெற்றது.

கட்சியின் சாணார்பட்டி ஒன்றியச் செயலர் வெள்ளைகண்ணன், நிர்வாகிகள் முத்துச்சாமி, பெருமாள் உள்ளிட்டோரும், நெடுஞ்சாலைத் துறை உதவிப் பொறியாளர்கள் சண்முகம், ராம்குமார் உள்ளிட்டோரும், சாணார்பட்டி காவல் ஆய்வாளர்  பிரபாகரன், காவல் உதவி ஆய்வாளர்  குணசேகரன் ஆகியோரும் பங்கேற்றனர்.

பேச்சுவார்த்தையில், வரும் 15 நாட்களுக்குள் திண்டுக்கல் - நத்தம் சாலையில் உள்ள அனைத்து தடுப்புச் சுவர்களுக்கும் முன்புறமும் பின்புறமும் ஒளிரும் ரிஃப்ளெக்டிவ் ஸ்டிக்கர்கள், சோலார் பிளிங்கர் விளக்குகள், வேகத் தடைகள், எச்சரிக்கை பலகைகள், உயரமான கோபுர விளக்குகள் உள்ளிட்ட பாதுகாப்பு ஏற்பாடுகள் மேற்கொள்ளப்படும் என நெடுஞ்சாலைத் துறை அதிகாரிகள் உறுதியளித்தனர். இதையடுத்து வியாழக்கிழமை  நடைபெறவிருந்த ஆர்ப்பாட்டம் கைவிடப்பட்டது.

இதன் பேரில் மார்க்சிஸ்ட் கம்யூனிஸ்ட் கட்சியின் 15 நாட்களுக்குள் சரி செய்யப்படவில்லை என்றால் மீண்டும் போராட்டம் நடத்தப்படுவதாக தெரிவித்தனர்.

  திண்டுக்கல் மாவட்ட செய்தியாளர் நத்தம் மதுரை வீரன்.

கருத்துகள்

கருத்துரையிடுக

இந்த வலைப்பதிவில் உள்ள பிரபலமான இடுகைகள்

குடியாத்தம் அருகே திருவிழாவின் போது இரு தரப்பினரிடையே மோதல்- காயமடைந்தவர்களின் உறவினர்கள் சாலை மறியல்!!

-
படம்
வேலூர் மாவட்டம், குடியாத்தம் அடுத்த எர்த்தாங்கள் பகுதியில் நேற்று கெங்கை அம்மன் சிரசு திருவிழா நடைபெற்றது இதில் ஆயிரக்கணக்கான பக்தர்கள் கலந்து கொண்டனர். அப்போது அம்மனுக்கு மாலை அணிவிப்பதில் இரு கோஷ்டிகளிலேயே  இடையே  தகராறு ஏற்பட்டுள்ளது இதனையடுத்து இன்று காலை ஒரு தரப்பினர் மற்றொரு தரப்பினரை தாக்கியதாக கூறப்படும் நிலையில் இதில் சிலர் காயமடைந்து குடியாத்தம் அரசு மருத்துவமனையில் அனுமதிக்கப்பட்டுள்ள நிலையில் காயம் அடைந்தவர்களின் உறவினர்கள்  தாக்கியவர்கள் மீது உரிய நடவடிக்கை எடுக்க வேண்டும் உடனடியாக கைது செய்ய வேண்டும்  எனக் கூறி குடியாத்தம்- பேரணாம்பட்டு சாலையில் சாலை மறியல் சாலை மறியலில் ஈடுபட்டனர். இதனால் அப்பகுதியில் போக்குவரத்து பாதிப்பு ஏற்பட்டது உடனடியாக சம்பவ இடத்திற்கு சென்ற குடியாத்தம்  தாலுகா போலீசார் சாலை மறியலில் ஈடுபட்டவர்களிடம் பேச்சுவார்த்தை நடத்தி உரிய நடவடிக்கை எடுப்பதாக உறுதி அளித்ததன் பேரில் சாலை மறியல் கைவிடப்பட்டது இதனால் அந்த பகுதியில் சிறிது நேரம் பரபரப்பான சூழல் காணப்பட்டது. குடியாத்தம் தாலுகா செய்தியாளர் கே வி ராஜேந்திரன்.
மேலும் படிக்கவும்

அரக்கோணம் மக்களுக்கான சு.ரவி MLA கோரிக்கை மனு ரயில்வே அமைச்சரிடம் வழங்கிய தனபால் MP!!

-
படம்
ராணிப்பேட்டை மாவட்டம்,அரக்கோணம் சட்டமன்ற உறுப்பினர் .சு.ரவி MLA தொகுதி  மக்களுக்கான கோரிக்கை மனுவை அ.தி.மு.க மாநிலங்களவை உறுப்பினர். ம.தனபால் மத்திய ரயில்வே அமைச்சர். ஸ்ரீ. அஷ்வினி வைஷ்ணவ்வை  நேரில் சந்தித்து, கொடுத்தார்.அதில் கேட்டு கொண்டது.. அரக்கோணம் சந்திப்பு இரயில் நிலையத்தில் நிற்காமல் செல்லும் முக்கிய இரயில் வண்டிகளை நிற்க்க வைக்க வேண்டும் மின்சார ரயில் சோளிங்கர் வரை நீட்டிக்க  வேண்டும், அரக்கோணம் இரயில்வே  மருத்துவமனையில் டயாலிஸ் பிரிவு அமைத்திட வேண்டியும் இச்சிபுத்தூர் இரயில் நிலையத்தை மேம்படுத்த வேண்டுமெனவும், கூடுதலாக நடைமேடை அமைக்க வேண்டும்  அரக்கோணம் பழனிப்பேட்டையில் உள்ள  இரட்டை கண் சுரங்க பாதையை  அகல படுத்த வேண்டும் அல்லது உயர்ந்தபட வேண்டும்., அப்படி  இல்லையென்றால்  இரயில்வே மேம்பாலம் அமைத்து தர வேண்டும் எனவும் மோசூர் அருகே இரயில்வே சுரங்கப் பாதை அமைத்திட வேண்டியும் கொரோனா கால கட்டத்தில் நிறுத்தி வைக்கப்பட்ட இரயில் வண்டிகளை இயக்க கோரியும் மத்திய இரயில்வே அமைச்சரிடம் கொடுத்த மனுவில் இவ்வாறு  கூறப்பட்டிருந்தது. அரக்கோணம் செய...
மேலும் படிக்கவும்

மதுரை : வலையங்குளம் நான்கு வழிச்சாலை சந்திப்பில் அடிக்கடி ஏற்படும் விபத்துக்கள்!!

-
படம்
மதுரை : வலையங்குளம் நான்கு வழிச்சாலை சந்திப்பில் எவ்வித சிக்னலும் இல்லாததால் அடிக்கடி விபத்துக்கள் ஏற்பட்டு வருகிறது.  இன்று இருசக்கர வாகனத்தில் சென்ற வாலிபர் மீது அசுர வேகத்தில் வந்த தனியார் பேருந்து மோதியதில் சம்பவ இடத்திலேயே வாலிபர் உயிர் இழந்தார்.  டிவலையாங்குளம் பகுதியில் உள்ள சமூக ஆர்வலர் வடிவேலு அடிக்கடி விபத்துக்கள் ஏற்படுவதை தடுக்க அப்பகுதியில் சிக்னல் அமைக்க வேண்டும் என்று கோரிக்கை விடுத்துள்ளார். தென் மண்டல செய்தியாளர் சின்னத்தம்பி.
மேலும் படிக்கவும்