நெமிலி ஊராட்சி ஒன்றியத்தில் ரூ.4.92 கோடி மதிப்பீட்டில், பழங்குடியின மக்களுக்கு 97 வீடுகள் ஒதுக்கீடு - முடிவுற்ற வீடுகளை, ஒன்றிய குழு தலைவர் பயனாளிகளிடம் ஒப்படைத்தார்!!

-

இராணிப்பேட்டை மாவட்டம், நெமிலி ஊராட்சி ஒன்றியத்திற்குட்பட்ட சித்தூர், அரிகிலபாடி, சித்தேரி, காட்டுப்பாக்கம், கீழ்வெங்கடாபுரம், மேல்களத்தூர், நெல்வாய், ஓச்சலம், பரமேஸ்வரமங்கலம், பருத்திபுத்தூர்,  பின்னாவரம், சிறுணமல்லி, உளியநல்லூர் ஆகிய 13 ஊராட்சிகளில் PM-JANMAN திட்டத்தின் கீழ் 2023-24 ஆம் நிதியாண்டிற்கு 22 வீடுகளும், 2024-25 ஆம் நிதியாண்டிற்கு 75 வீடுகளும், ஆக மொத்தம் 97 வீடுகள் பழங்குடியின மக்களுக்கு கட்டி முடிக்க ஒதுக்கீடு செய்யப்பட்டது. ஒவ்வொரு வீடும் ரூ. 5 லட்சத்து 7 ஆயிரம் மதிப்பீட்டில், மொத்தம் 97 வீடுகள் ரூபாய் 4 கோடி 92 லட்சம் மதிப்பீட்டில் கட்டி முடிக்க உத்தரவிடப்பட்டது. இதனைத் தொடர்ந்து வீடுகள் கட்டும் பணி விரைவாக நடைபெற்று வருகிறது.

இந்நிலையில் ஊரக வளர்ச்சி மற்றும் ஊராட்சித் துறையின் கடிதத்தில் தெரிவித்துள்ளவாறு, “பிர்சா முண்டா மற்றும் பழங்குடியின வீரர்களின் தியாகங்களை நினைவு கூறும் விதமாக” 15.11.2025 சனிக்கிழமை நெமிலி ஊராட்சி ஒன்றியத்திற்குட்பட்ட மேற்கண்ட 13 ஊராட்சிகளில் சிறப்பு கிராம சபை கூட்டங்கள் நடத்த தெரிவிக்கப்பட்டது. இக்கூட்டங்களில் *பிர்சா முண்டா மற்றும் பழங்குடியின வீரர்களின் தியாகங்களை நினைவு கூர்ந்து, “ஜன்ஜாதியா கௌரவ் திவாஸ்” தினத்தை முன்னிட்டு பல்வேறு கலை நிகழ்ச்சிகள் நடத்தப்பட அறிவுறுத்தப்பட்டது.* இந்த கிராம சபைக் கூட்டங்களில் ஒரு பகுதியாக பழங்குடியின மக்களுக்கு வழங்கப்பட்ட வீடுகளில், கட்டி முடிக்கப்பட்ட வீடுகளை, பயனாளிகளிடம் ஒப்படைக்கும் நிகழ்ச்சி நடைபெற்றது. அதனடிப்படையில் சித்தூர் கிராமத்தில் நடைபெற்ற நிகழ்ச்சியில், நெமிலி ஒன்றிய குழு தலைவர்.பெ. வடிவேலு அவர்கள், முடிவுற்ற வீடுகளுக்கான சாவியை பயனாளிகளிடம் வழங்கினார்.

இந்நிகழ்ச்சியில், நெமிலி வட்டார வளர்ச்சி அலுவலர் (கி.ஊ) சிவக்குமார், ஊராட்சி மன்ற தலைவர் சேகர், ஊராட்சி மன்ற துணைத் தலைவர், கலைச்செல்வி பாபு, ஊராட்சி மன்ற உறுப்பினர்கள், ஊராட்சி செயலாளர் கன்னியப்பன், தூய்மை காவலர்கள், மற்றும் பொதுமக்கள் பலர் கலந்து கொண்டனர்.

அரக்கோணம் செய்தியாளர் ரவி.

கருத்துகள்

கருத்துரையிடுக

இந்த வலைப்பதிவில் உள்ள பிரபலமான இடுகைகள்

குடியாத்தம் அருகே திருவிழாவின் போது இரு தரப்பினரிடையே மோதல்- காயமடைந்தவர்களின் உறவினர்கள் சாலை மறியல்!!

-
படம்
வேலூர் மாவட்டம், குடியாத்தம் அடுத்த எர்த்தாங்கள் பகுதியில் நேற்று கெங்கை அம்மன் சிரசு திருவிழா நடைபெற்றது இதில் ஆயிரக்கணக்கான பக்தர்கள் கலந்து கொண்டனர். அப்போது அம்மனுக்கு மாலை அணிவிப்பதில் இரு கோஷ்டிகளிலேயே  இடையே  தகராறு ஏற்பட்டுள்ளது இதனையடுத்து இன்று காலை ஒரு தரப்பினர் மற்றொரு தரப்பினரை தாக்கியதாக கூறப்படும் நிலையில் இதில் சிலர் காயமடைந்து குடியாத்தம் அரசு மருத்துவமனையில் அனுமதிக்கப்பட்டுள்ள நிலையில் காயம் அடைந்தவர்களின் உறவினர்கள்  தாக்கியவர்கள் மீது உரிய நடவடிக்கை எடுக்க வேண்டும் உடனடியாக கைது செய்ய வேண்டும்  எனக் கூறி குடியாத்தம்- பேரணாம்பட்டு சாலையில் சாலை மறியல் சாலை மறியலில் ஈடுபட்டனர். இதனால் அப்பகுதியில் போக்குவரத்து பாதிப்பு ஏற்பட்டது உடனடியாக சம்பவ இடத்திற்கு சென்ற குடியாத்தம்  தாலுகா போலீசார் சாலை மறியலில் ஈடுபட்டவர்களிடம் பேச்சுவார்த்தை நடத்தி உரிய நடவடிக்கை எடுப்பதாக உறுதி அளித்ததன் பேரில் சாலை மறியல் கைவிடப்பட்டது இதனால் அந்த பகுதியில் சிறிது நேரம் பரபரப்பான சூழல் காணப்பட்டது. குடியாத்தம் தாலுகா செய்தியாளர் கே வி ராஜேந்திரன்.
மேலும் படிக்கவும்

அரக்கோணம் மக்களுக்கான சு.ரவி MLA கோரிக்கை மனு ரயில்வே அமைச்சரிடம் வழங்கிய தனபால் MP!!

-
படம்
ராணிப்பேட்டை மாவட்டம்,அரக்கோணம் சட்டமன்ற உறுப்பினர் .சு.ரவி MLA தொகுதி  மக்களுக்கான கோரிக்கை மனுவை அ.தி.மு.க மாநிலங்களவை உறுப்பினர். ம.தனபால் மத்திய ரயில்வே அமைச்சர். ஸ்ரீ. அஷ்வினி வைஷ்ணவ்வை  நேரில் சந்தித்து, கொடுத்தார்.அதில் கேட்டு கொண்டது.. அரக்கோணம் சந்திப்பு இரயில் நிலையத்தில் நிற்காமல் செல்லும் முக்கிய இரயில் வண்டிகளை நிற்க்க வைக்க வேண்டும் மின்சார ரயில் சோளிங்கர் வரை நீட்டிக்க  வேண்டும், அரக்கோணம் இரயில்வே  மருத்துவமனையில் டயாலிஸ் பிரிவு அமைத்திட வேண்டியும் இச்சிபுத்தூர் இரயில் நிலையத்தை மேம்படுத்த வேண்டுமெனவும், கூடுதலாக நடைமேடை அமைக்க வேண்டும்  அரக்கோணம் பழனிப்பேட்டையில் உள்ள  இரட்டை கண் சுரங்க பாதையை  அகல படுத்த வேண்டும் அல்லது உயர்ந்தபட வேண்டும்., அப்படி  இல்லையென்றால்  இரயில்வே மேம்பாலம் அமைத்து தர வேண்டும் எனவும் மோசூர் அருகே இரயில்வே சுரங்கப் பாதை அமைத்திட வேண்டியும் கொரோனா கால கட்டத்தில் நிறுத்தி வைக்கப்பட்ட இரயில் வண்டிகளை இயக்க கோரியும் மத்திய இரயில்வே அமைச்சரிடம் கொடுத்த மனுவில் இவ்வாறு  கூறப்பட்டிருந்தது. அரக்கோணம் செய...
மேலும் படிக்கவும்

மதுரை : வலையங்குளம் நான்கு வழிச்சாலை சந்திப்பில் அடிக்கடி ஏற்படும் விபத்துக்கள்!!

-
படம்
மதுரை : வலையங்குளம் நான்கு வழிச்சாலை சந்திப்பில் எவ்வித சிக்னலும் இல்லாததால் அடிக்கடி விபத்துக்கள் ஏற்பட்டு வருகிறது.  இன்று இருசக்கர வாகனத்தில் சென்ற வாலிபர் மீது அசுர வேகத்தில் வந்த தனியார் பேருந்து மோதியதில் சம்பவ இடத்திலேயே வாலிபர் உயிர் இழந்தார்.  டிவலையாங்குளம் பகுதியில் உள்ள சமூக ஆர்வலர் வடிவேலு அடிக்கடி விபத்துக்கள் ஏற்படுவதை தடுக்க அப்பகுதியில் சிக்னல் அமைக்க வேண்டும் என்று கோரிக்கை விடுத்துள்ளார். தென் மண்டல செய்தியாளர் சின்னத்தம்பி.
மேலும் படிக்கவும்