நிலவன்தினசரி செய்தி நாளிதழில் இருந்து!

 நாள்:- 20.03.2025 (வியாழக்கிழமை)

👉.பள்ளி மாணவிகளை விபச்சாரத்தில் ஈடுபடுத்திய வழக்கில் 7 ஆண்டுகள் தலைமறைவாக இருந்த தம்பதியை சி.பி. சி.ஐ.டி போலீசார் கைது செய்தனர்

👉.விழுப்புரம் தொல்லாமூரைச் சேர்ந்த லாரி ஓட்டுநர்கள் கடலூர் கே.என்.பேட்டை அருகே லாரியில் தூங்கிய போது மர்ம நபர்கள் அவர்கள் செல்போன் ரூ.5 ஆயிரத்தை திருடி சென்று விட்டனர்.

👉.திருப்பாதிரிப்புலியூர் சூசையப்பர் ஆலயத்தில் ஆண்டு பெருவிழா கடந்த 17-ம் தேதி கொடியேற்றத்துடன் துவங்கியது. அதையொட்டி, கம்மியம்பேட்டை தேவாலயத்தில் தேர் பவனி நடைபெற்றது.

👉.தமிழ்நாடு அரசின் கலை பண்பாட்டுத்துறை சார்பில் நம்ம ஊரு திருவிழாவிற்கான கலைக்குழுக்கள் தேர்வு கடலூரில் நாளை மறுநாள் சனிக்கிழமை நடக்கிறது.

👉.கடலூர் மாவட்ட சுனாமி குடியிருப்பில் வசிக்கும் 336 குடும்பங்களுக்கு வீட்டு மனை பட்டா வழங்கப்படும் என மாவட்ட ஆட்சியர் உத்தரவு.

👉.கடலூர் மாவட்டத்தில் 1 முதல் 8-ம் வகுப்பு வரை உள்ள மாணவர்களுக்கு கற்றல் திறன் சோதனை அடுத்த மாதம் ஏப்ரல் துவங்க கல்வித்துறை ஏற்பாடு.

👉.தமிழ்நாடு அரசு ஊழியர்கள் சங்கத்தில் தொகுப்பூதியம், மதிப்பூதியம், சிறப்பு காலமுறை ஊதியத்தில் பணியாற்றும் ஊழியர்கள் அனைவருக்கும் ஊதியம் வழங்க கோரி ஆர்ப்பாட்டம் நடத்தினர்.

👉.அண்ணா விளையாட்டு மைதானத்தில் தூய்மை பாரத திட்டத்தின் கீழ் 5 இடங்களில் கழிவறை கட்டும் பணிக்கு ரூ.1 கோடியே 26 லட்சம் ஒதுக்கீடு செய்யப்பட்டுள்ளது.

👉.கடலூர் தாலுகா பகுதியில் 'உங்களைத் தேடி உங்கள் ஊரில்' திட்டத்தின் கீழ் மாவட்ட ஆட்சியர் கள ஆய்வு மேற்கொண்டார்

👉.தேவனாம்பட்டினம் பகுதியில் ஆதிதிராவிட நல மாணவர்கள் விடுதி கட்டுமானப் பணியை பார்வையிட ஆட்சியர் சென்ற பொழுது கட்டிடத்தில் நாட்டு வெடிகுண்டு கிடந்தது அதிர்ச்சி அளிக்கிறது.

👉.சிதம்பரத்தில் வீட்டு மின் இணைப்புக்கு தடையில்லா சான்று வழங்குவதற்காக லஞ்சம் வாங்கிய தாசில்தாருக்கு 2 ஆண்டு சிறை தண்டனை விதித்தது நீதிமன்றம். 

👉.ரெட்டிச்சாவடி அடுத்த பெரியகாட்டுப் பாளையம் பகுதியில் வீட்டின் பூட்டை உடைத்து வீட்டில் இருந்த ரூ.2¾ லட்சம் பணம், நகை திருடிய திருடனை போலீசார் தேடி வருகின்றனர்.

👉.கடலூர் மாவட்ட நிர்வாகம், மாவட்ட வேலைவாய்ப்பு தொழில்நெறி வழிகாட்டு மையம் சார்பில் தனியார் துறை வேலைவாய்ப்பு முகாம் வருகிற 29-ம் தேதி சனிக்கிழமை நடைபெறுகிறது.

👉.கடலூர் அருகே மருதாடு-பண்ருட்டி செல்லும் கஷ்டம்ஸ் சாலை வெள்ளத்தால் உள்வாங்கியது. விரைந்து சீரமைக்க வேண்டும் என்று வாகன ஓட்டிகள் எதிர்பார்ப்பு.

👉.மஞ்சக்குப்பம் மைதானத்தில் 3-வது புத்தகத் திருவிழா சனிக்கிழமை துவங்குகிறது. 101 அரங்குகளுடன் புத்தகத் திருவிழாவை அமைச்சர், ஆட்சியர் துவங்கி வைக்கிறார்கள்.

👉.தமிழ்நாடு அரசு மாற்றுத்திறனாளி குழந்தைகளுக்கு புத்துணர்ச்சி ஏற்படுத்தும் விதமாக ஒரு நாள் இன்பச் சுற்றுலா அழைத்துச் சென்றனர். இதை மாவட்ட ஆட்சியர் துவக்கி வைத்தார். 

👉.கடலூர் மாவட்டத்தில் வரும் 23-ம் தேதி ஞாயிற்றுக்கிழமை அனைத்து கிராம ஊராட்சிகளிலும் கிராம சபை கூட்டம் நடைபெற உள்ளது.

👉.காடாம்புலியூர் அருகே கீழிருப்பு கிராமத்தில் ஆடுகளை திருடிக் கொண்டு ஆட்டோவில் தப்பி ஓடிய நபரை போலீசார் மடக்கி பிடித்து கைது செய்தனர்.

👉.காட்டுமன்னார்கோயில் அருகே குஞ்சமேடு கிராமத்தை சேர்ந்த நபர் ஆற்றில் மீன் பிடிக்க சென்ற போது 2 முதலைகள் கடித்ததில் அந்நபர் முட்டம் அரசு ஆரம்ப மருத்துவமனையில் அனுமதி.

👉.கடலூர் கேப்பர் மலை மத்திய சிறைச்சாலையில் உள்ள கைதிகளுக்கு இறைச்சி விற்பனையில் ஈடுபடும் கைதிகள். 

👉.திட்டக்குடி அருகே உள்ள தொழுதூர்  பகுதியைச் சேர்ந்த ஆதிதிராவிட மக்கள் விருத்தாச்சலம் கோட்டாட்சியர் அலுவலகத்தையும் முற்றுகையிட்டதால் பரபரப்பு.

👉. புதுப்பேட்டை அருகே அக்கடவல்லி பகுதியில் தடை செய்யப்பட்ட புகையிலை பொருட்களை விற்பனை செய்த  பெண் உட்பட இரண்டு பேர் கைது.

என்றும் மக்கள் பணியில் நிலவன்