வேடியப்பனூர் அரசு பள்ளியில் TYSDS சார்பில் நடைபெற்ற சர்வதேச மகளிர் தின விழா! மாணவிகளுக்குத் தற்காப்பு கலைப் பயிற்சி மற்றும் நலத்திட்ட உதவிகள் வழங்கல்!!

திருவண்ணாமலை மாவட்டம், திருவண்ணாமலை இளைஞர் திறன் மேம்பாட்டு சங்கம் (TYSDS) மற்றும் வேடியப்பனூர் அரசு உயர்நிலைப்பள்ளி இணைந்து நடத்திய "சர்வதேச மகளிர் தின விழா - 2026" பள்ளி வளாகத்தில் மிகச் சிறப்பாக நடைபெற்றது. "பெண்மை போற்றுவோம், பசுமை காப்போம், கல்வி வளர்ப்போம்" என்ற முழக்கத்துடன் நடைபெற்ற இந்த விழாவில், பள்ளி மேம்பாட்டிற்கான பல்வேறு நலத்திட்ட உதவிகள் வழங்கப்பட்டன.

தற்காப்பு கலை பயிற்சியுடன் கியோஷி D. ராணி சிறப்புரை:

இவ்விழாவில் சிறப்பு அழைப்பாளராக, மாநில அளவில் திருவண்ணாமலை மாவட்டத்திற்குப் பெருமை சேர்த்த சாதனை பெண்மணி மற்றும் கராத்தே பயிற்சியாளர் கியோஷி D. ராணி (Karate VIII - Dan Black Belt) கலந்து கொண்டார். அவர் மாணவிகளுக்கு கராத்தே தற்காப்பு கலை குறித்த நேரடி விளக்கப் பயிற்சியை அளித்தார்.

மாணவிகளிடையே அவர் பேசுகையில், "பெண்கள் ஒரு பெரும் சக்தி. தற்காப்பு கலை என்பது வெறும் சண்டையிடக் கற்றுக்கொள்வது மட்டுமல்ல, அது உங்களின் மன உறுதியையும் தன்னம்பிக்கையையும் வளர்க்கும் கருவியாகும். மாணவிகள் பள்ளிப் பருவத்திலிருந்தே உடல் ரீதியாகவும் மன ரீதியாகவும் வலிமையடைய வேண்டும்" என எழுச்சியூட்டும் வகையில் உரையாற்றினார்.

பள்ளி புரவலர் திட்டத்தில் சங்கத்தின் பங்களிப்பு:

நிகழ்ச்சியில் ஒரு முக்கிய நிகழ்வாக, TYSDS சங்கத்தின் சார்பில் 'பள்ளி புரவலர் திட்டத்தில்' நிதி வழங்கி சங்கம் தன்னை இணைத்துக் கொண்டது. இதற்கான காசோலையை சங்கத்தின் நிறுவனர் மற்றும் சாசனத் தலைவர். Dr. M. ராஜசேகர் அவர்கள் தலைமையிலான நிர்வாகிகள் வழங்கினர். அரசு பள்ளியின் கல்வித் தரத்தை மேம்படுத்தவும், மாணவர்களின் அடிப்படைத் தேவைகளை நிறைவேற்றவும் சங்கம் எடுத்துள்ள இந்த முன்னெடுப்பு அனைவராலும் பாராட்டப்பட்டது.

கலை நிகழ்ச்சிகள் மற்றும் பாராட்டு:

மகளிர் தினத்தை முன்னிட்டு பள்ளி பெண் குழந்தைகளின் கண்கவர் கலை நிகழ்ச்சிகள் நடைபெற்றன. சிறப்பாகச் செயல்பட்டு வரும் இந்த அரசு பள்ளிக்குச் சங்கத்தின் சார்பில் பாராட்டுக்கள் தெரிவிக்கப்பட்டது. அதேபோல், பள்ளியின் வளர்ச்சிக்குத் தொடர்ந்து உதவி வரும் TYSDS சங்க நிர்வாகிகளுக்குப் பள்ளி நிர்வாகத்தின் சார்பில் நன்றிகள் தெரிவிக்கப்பட்டது.

வழங்கப்பட்ட நலத்திட்டங்கள்:

விழாவின் ஒரு பகுதியாகப் பின்வரும் நலத்திட்டங்கள் வழங்கப்பட்டன:பள்ளி மாணவர்களின் பயன்பாட்டிற்காக 'பள்ளி மணி' (School Bell) மற்றும் கல்வி உபகரணங்கள் வழங்கப்பட்டன. சுற்றுச்சூழலைப் பாதுகாக்கும் விதமாக மாணவ, மாணவிகளுக்கு பழ வகை மரக்கன்றுகள் வழங்கப்பட்டன.

சிறப்பாகப் பணியாற்றி வரும் பள்ளி ஆசிரியர்களுக்குச் சங்கத்தின் சார்பில் "சிறப்புப் பாராட்டுச் சான்றிதழ்" வழங்கி கௌரவிக்கப்பட்டது.

நிர்வாகிகள் பங்கேற்பு:

முன்னதாக, பள்ளியின் தலைமை ஆசிரியர். M. சத்தியவேலு அனைவரையும் வரவேற்றார். நிகழ்ச்சியில் சங்க நிர்வாகிகள்:

 V. வெங்கடேசன் (தலைவர்) E. ஆனந்தகுமார் (தலைவர் - தேர்வு)V. புருஷோத்தமன் (செயலாளர்)T. சுரேஷ் குமார் (செயலாளர் - தேர்வு) R. ராஜா (பொருளாளர்)உள்ளிட்ட நிர்வாகிகள் மற்றும் ஆசிரியர்கள், மாணவ-மாணவிகள் திரளாகக் கலந்து கொண்டனர்.

இவ்விழா மாணவிகளிடையே பெரும் வரவேற்பைப் பெற்றதுடன், அவர்களின் பாதுகாப்பு மற்றும் சமூகப் பொறுப்புணர்வையும் விதைப்பதாக அமைந்தது.

தென் மண்டல செய்தியாளர் சின்னத்தம்பி.